HAKUNA MATATA

Theih tawp tak meuh chhuah a kan beih hnuah, kan tum ve em em , kan awh ve em em thil kha beisei bo vawng vawng a min siam tu, nun leh zel ti chakawm lo tu an lo chang thin.

Mihringte hian BEISEINA hi kan nei vek awm e. Beiseina hi Mihringte khalh kal fan fan tu a ni, tiin Miss Irene-i of Staines Memorial khan a sawi fo va. A dik ka ti ve thin khawp mai.

Mi thawveng em em mai te bula awm hi nuam ka tih zawng tak mai a ni a. Thawven hi ka tum ve nasa thin khawp mai! Mahse, miin a min hmuh dan ah chuan, mi thutak run ka la ni reng tho va. A tlangpuiin , mihring te hian miin a min ngaihdan hi kan lan chhuah dan a lo ni leh zel bawk a. A thawveng chi ka ni lo ve hrim hrim a nih hmel e...

Kei chuan mi thawveng te ah hian beiseina bo ve ngai lo chu ka hmu tlat a, chu an beiseina nung reng chu a ni ka awh em em chu! Nun hian harsatna min la rawn chhawp chhuah sak zel hmel si a, chu harsatna zawng zawng chu cool reih ruih hian ka lo do zo hian ka ring tlat lo.

Swahili tawng a HAKUNA MATATA an  tih, The Lion King a lar em em mai , no problem, a tha vek e,tih reng theihna rilru ho lam tak, awhawm em em si hi neih reng lah a har si a. Eng pawh nise, Pathian ringtu , Lal Isua ni tlat tu, ka nih chuan hlim reng hi a theih a, kan rilru put hmang hi dik se, positive thinking nei ila ,hakuna matata chu kan ti reng thei ang. Lalpa ringtu danglamna chu engkima lungawi thwihna hi a nih kha . Chu lungawi reng theihna atang chuan , BEISEINA NUNG reng thin chu a lo chhuak thin.