PHYSICS HI ENGE A NIH?

Physics hi a definition dictionary a kan en chuan " the study of matter ,energy and its relationship " tih a ni tlangpui vek mai. A dik na meuh mai, mahse Physics in a a kawh tak ni a ka hriat chu, he universe chhunga thil awm zawng zawng te inlaichinna te, an energy te, leh thil dang tam tak, chung ho zawng2 atanga zawhna lo piang chhuak , fundamental questions te, observation leh experiment hmanga chhanna zawn hi a ni. Physics zirmite (Physicists) chuan heng zawhna bon tak tak te hi an zawt a,chhanna tur an zawng luih luih thin:
* Kan universe hi engtia lo in siam nge?
* Universe hi hun lo la awm turah engtin nge a awm zel ang?
* Ni hi eng hmangin nge a alh reng bik?
* Thlawhna hi engtin nge a thlawh theih?
.....a dang tam tak a la awm a, heng zawhna ang chi hi interesting i ti a nih chuan Physics hi i tui ngei ngei ang?

Physicists te chuan eng thil chiah maw an lo tih thin?
Physicist tam tak chuan heng zawhna hrang hrang ,chhan sen rual loh te hi a chhanna zawngin nasa takin 'research' an ti a. Chung an hnathawhte avang chuan kan khawvel hi a lo changkang ta em em mai a ni. Heng technology , games khelh nuam tak tak te, DVD te, mp3 player te, mobile phones te pawh hi kum zabi 20-na tan tirh lam a electron te nihna kan hriatchian hnu a an siam chhuah theih chauh a ni.

Physics ah hian a thuphung, a theory ang zawng ringawt in thil kan zir in,kan ti bik lo va, kan nitin mamawh ah hian Physics tel lova awm thei lo a lo tam khawp mai:
* Energy siam chhuah , physics tel lo chuan a awm thei hauh lo.
* Cancer Treatment, radiotherapy hmangin. Damloh na tam tak hi Physics tel chuan hriat chhuah emaw enkawl dam theih a ni lo. Ultrasound te, CT scan, leh thil dang tam tak...
* Computer, a tel lo chuan nun a khaih lak tawh. Computer hi Physics tel lo chuan eng a ni hauh lo vang.
* Sports equipment, leh infrastructure te hi Physics mamawh ve tho an ni.
* Chhiat rupna li thleng tur laka in ven dan tur, lo hriat lawk dan te hi Physics atanga lo chhuak a ni.
.....a nihna takah chuan han hawi vel la, Physics in rawlh loh na thil hi tlem te chauh a ni ...

Mathematics ve thung hi? Mathematics hi Physics language a ni , tih hi tuemaw sawi i hre tawh ngei ang. A dik a ni a. Maths tel lo hian Physics hi a zir theih loh tluk a ni. Maths chuan Physics a ti awlsam a, Physics hre tur chuan Maths i hriat ve nual a ngai ngei ang.

Computers ve thung...? Tunlai a Physics zir tak tak dawn chuan Computer hi thil poimoh ber pakhat a ni. Degree course zir tur chuan programming language hriat ve zel a ngai twh thin.