Ka hostel room ah chuan ka zan mu thei lo chu ka ri ruk ruk reng a! Light ka on reng a, lehkha zir kan tum ngial a, ka rilru ah a lut hlawl si lo! Ka muhil thei ngang bawk si lo ! Eng thil emaw ni hian min mawlh tlat mai a. Ka room bul a mi te tan ka hnawksak palh ang e, tiin ka thawm chu ka dim ta deuh a!
Sana chu ka en a, dar 1:15 a lo ri tawh a. Bible chu ka la a, min mawlhtu chu a awm beisei in kan keu kual a! Ka keu kual fe hnu pawh chuan ka hmu chuang si lo! Verandah ah ka va chhuak a, van lam kan hawi vang vang a. Khawpui ri leh kawl phe zuai zuai bak hriat tur ka va hmu chuang bawk si lo!
Ka room ah chuan ka let leh a,ka phone a ka thlalak te chu kan enkual a, tum loh deuhin ka rilru kaptu leh min mawlh reng tu chu ka hmu ta a!
Kan khawbul Chemphai kan kal na te, Chemlui a kan cheng lai te, Chemlui kam a kan chaw ei lai te ka hmuh chuan ka mittui hi a tla lo chauh a! Hmanni lawk mah ni se, kha'ng ang a hun hlimawm kha ka tawng tawh mai mai dawn si lo!
Ka tleirawl chhuah lai a kha tiang a hun nuam leh hlimawm , sual tel si lo a ka hmang thei kha Pathian malsawmna a va ni em!
Inrinni tin mai a luia cheng tur leh chengkawl te, tumbu te khawrh tur a zuk kal te , chaw fun han ei te, ei rawng bawl chawp a chaw chhun zuk ei mai mai te kha ka tan chuan tawn leh mai mai theih a ni tawh dawn si lo!
Lungkham em em nei lo va hun hman te kha a va hlimawm tak em! Hmasawn zel ngai mihring ka nih miau avangin ka tan khatiang a awm reng kha a rem tawh si lo!
Ngaihtuahna a kal thui thin hle mai! Lehkha zir thulh thak a thian kawm chang ka ngah a, ka zirlai ka tlakchhiat phah hial thin. Mahse, nun nawmna ka chhar a, thiante hlutzia ka zir chhuak a. A nihna takah chuan mihring rilru diktak hi an hnen atang a ka zir chhuah a ni. School zir lai in min zirtir loh tam tak, nun atana pawimawh ka zir chhuak tam hle mai.
Ka duh angin zirna lam ah ka tawn tur tam tam hmaih phah mah ila, nun hlimna leh ropuina ka tem phah zawk a, ka inchhir reng reng lo a ni!
Hlawh tam tak neih emaw, mi thiam tak nih hi hlimna pe tu a ni lo va, ka rilru in a duhzawng emaw kan tui zawngf bawhzui thiam hi hlimna kawng a ni ta ber in ka hria!
Sana chu ka en a, dar 1:15 a lo ri tawh a. Bible chu ka la a, min mawlhtu chu a awm beisei in kan keu kual a! Ka keu kual fe hnu pawh chuan ka hmu chuang si lo! Verandah ah ka va chhuak a, van lam kan hawi vang vang a. Khawpui ri leh kawl phe zuai zuai bak hriat tur ka va hmu chuang bawk si lo!
Ka room ah chuan ka let leh a,ka phone a ka thlalak te chu kan enkual a, tum loh deuhin ka rilru kaptu leh min mawlh reng tu chu ka hmu ta a!
 |
| Mapuia leh Kei, Tluanga B'Day, Chemphai ah! |
Kan khawbul Chemphai kan kal na te, Chemlui a kan cheng lai te, Chemlui kam a kan chaw ei lai te ka hmuh chuan ka mittui hi a tla lo chauh a! Hmanni lawk mah ni se, kha'ng ang a hun hlimawm kha ka tawng tawh mai mai dawn si lo!
 |
| Mama leh Mapuia, Rawngbawl lai! Tluanga B'Day tho. |
Ka tleirawl chhuah lai a kha tiang a hun nuam leh hlimawm , sual tel si lo a ka hmang thei kha Pathian malsawmna a va ni em!
 |
| Biaksanga leh keimah, Chemlui! |
Inrinni tin mai a luia cheng tur leh chengkawl te, tumbu te khawrh tur a zuk kal te , chaw fun han ei te, ei rawng bawl chawp a chaw chhun zuk ei mai mai te kha ka tan chuan tawn leh mai mai theih a ni tawh dawn si lo!
Lungkham em em nei lo va hun hman te kha a va hlimawm tak em! Hmasawn zel ngai mihring ka nih miau avangin ka tan khatiang a awm reng kha a rem tawh si lo!
 |
| Tluanga B'Day lawm kan haw lam! |
Ngaihtuahna a kal thui thin hle mai! Lehkha zir thulh thak a thian kawm chang ka ngah a, ka zirlai ka tlakchhiat phah hial thin. Mahse, nun nawmna ka chhar a, thiante hlutzia ka zir chhuak a. A nihna takah chuan mihring rilru diktak hi an hnen atang a ka zir chhuah a ni. School zir lai in min zirtir loh tam tak, nun atana pawimawh ka zir chhuak tam hle mai.
Ka duh angin zirna lam ah ka tawn tur tam tam hmaih phah mah ila, nun hlimna leh ropuina ka tem phah zawk a, ka inchhir reng reng lo a ni!
Hlawh tam tak neih emaw, mi thiam tak nih hi hlimna pe tu a ni lo va, ka rilru in a duhzawng emaw kan tui zawngf bawhzui thiam hi hlimna kawng a ni ta ber in ka hria!
0 comments:
Post a Comment