Ka hostel awmna pakhatah chuan Pathian awm tak tak leh tak tak loh thu ah debate te nau hi a awm reng mai a. Mi sawm (10) vel kan awm a, inngeih erawh kan inngeih tlang hlawm viau a. Kha hostel a ka hosteller pui te kha mi bawn tak tak vek an ni hlawm. Mi in chhiar zau tak tak, mi puitling em em, Pathian thu lamah pawh mi ril em em an ni fur hlawm. Ka nep bik thin khawp mai! Vai ram a Mizo tlangval/tleirawl cheng ho kan nih avangin kan in hmangaih tlang hlawm a, a nuam thin hle.
Kha ka awm hun chhung rei lote tak tak, hun hlimawm leh hlawk thlak tak khan thil ka hre chhuak ve a. Chu chu Pathian hi harsatna leh buaina tel lo chuan a awm loh mai pawh hi rin mai awlsam tak a ni,tih hi!
Mi rethei berh ve tak, mi hausa pui pui kara zuk khawsa a, an ei an in ang ang zuk ei ve mai kha ka ni a. Khawsak thiam pawh a har ka ti khawp mai. Mahse, mi nun tlawm tak tak leh mi kawm dan thiam an lo nih hlawm avang erawh chuan harsatna ka nei lo va. Harsa tih pakhat erawh ka neih chu, an zirsan,an hriatzau avang te pawh a niang, harsatna leh manganna an tawk ngai lem lo pawh a niang, Pathian hi a awm reng em tih lam hawi zawhna a awm reng mi thin hi a ni.
Harsatna leh buaina tam tak karah kan sei lian a, Pathian pawh kan au zing na rawh e. Ka ngaihtuah a, harsatna tawk lo ilangin Pathain hi kan au reng ang em ? Zawhna hlun tak a ni. Hla siamtu chuan 'buaina chhumpui lo zing thin hi a tang min belh tir tu an ni.' a lo ti a. Ka nunah hian chuan a dik fu a ni.
Thutak (truth) pakhat a awm a, chu chu Bible Thianghlim chhunga thu awm te hi an ni. Science Thu dik (facts) a awm leh bawk a ni. Heng thu dik pahnih te hi tlem a kan lo zirsan chuan a inkalh ni a ngaihdan mihring zel mai kan lo nei ve reuh thin a. Mihringte nep khawro zia lantir tu lek a ni. Pathian Ropui hian eng thil bawn lutuk tak mai nge a tih theih a, eng tiang tak a ril in nge a in zep theih zia hi kan hriat loh vang mai chauh a ni.
Hla pakhatah chuan:
"Mi fingte leh mi bengvar te chuanin,
An finna a Lalpa an chhut hnuin,
Thutak lakah an peng bo zo ta a."
tih in bul a in tan. A mawi dangdaiin , a ril hi ka tia. Ti hian a thunawnah a chhunzawm leh a,
'Khawvel mifingte chuanin Pathian an hre phak lo.
Thu hril atthlak hmanga chhandam kan ni.'
ti in. Thu hril atthlak a rawn tih lai tak hian ka ngaihtuahna a fan kual ve nasa khawp mai. A hla hi a in ngaitlawm em em mai a. In phah hniam tak si in , mi fingte finna chu a awh lohzia a tarlang chiang hle in ka hria.
A ni reng a, khawvel mihring zawng zawng deuh thaw hian kan rilru khawih em em thin thusawite han sawi ila, kan mihring pui, min inspire em em tu te han sawi theuh dawn ila, mi ropui tak tak te thusawi emaw, film zirtir nei tha tak , thil thleng thei ngei tura ngaih sa (believable) te emaw, Gandhi-a thusawi, Bill Gates-a thusawi , Neoson Mandela, Newton, Revd. Chanchinmawia tih te emaw a ni mai thei e. Chung chu thu awihawm tak , mi ti kher kher te pawhin an pawm ve mai theih an ni tlangpui thin.
Kan Chhandamna thu erawh hi chu, mite nuihzat leh hnawl, khawvel lama thiamna nei sang apiangte'n an nuihzat nasat, a ni tlat. A atthlak em a ni. Chhandam a kan awm phah na thu ril dan hi khawvel taka hriatthiam tumte hriatthiam phak rual ni tlat lo.
Nova hun laia tuilet, Lota nupui chi a chang, Mosia'n tiang hmanga Tuipui Sen a sah chah, sawi tur a tam ang. A chhan leh vang sawi tur awm mang lo tam tak Thuthlung Hlui hunlai a thleng ni a kan Bible in a sawi hi a awm nual a. Thuthlung Thar ah pawh Lal Isua khan eng tin nge Chhang per 5 leh Sangha 2 kha mipui 5000 chuang ei tur a a tih pun theih? Zawhna a siam tama , dilchhut poh leh a awihawm loh fo thin!
Mahse thiante u, Kristianna chuan khawvel hi a luah darh zau mek zel tho si. Thuhril atthlak chuan he khawvel hi a fan chhuak a, mi mawl te te ten Krista chanchintha thu chu an hril a , mi fing leh bengvar te a ti mangang a. Mi inti fingte hriatthiam ve phak loh chhandamna thu ril hian nun hlimna a thlen a, mi thu thiam zawk te thu ziah kur mawi em em te chuan kan lairil fan ve bawk thin mahse la, khawvel kil khawr ber thlenga fan chhuak khawp a awm reng reng lo va, nun ti ralmuang thei khawp a ril leh thilti thei a awm ngai hek lo.
Thuhril atthlak hmanga chhandam ka ni. A va ropui em!
Kha ka awm hun chhung rei lote tak tak, hun hlimawm leh hlawk thlak tak khan thil ka hre chhuak ve a. Chu chu Pathian hi harsatna leh buaina tel lo chuan a awm loh mai pawh hi rin mai awlsam tak a ni,tih hi!
Mi rethei berh ve tak, mi hausa pui pui kara zuk khawsa a, an ei an in ang ang zuk ei ve mai kha ka ni a. Khawsak thiam pawh a har ka ti khawp mai. Mahse, mi nun tlawm tak tak leh mi kawm dan thiam an lo nih hlawm avang erawh chuan harsatna ka nei lo va. Harsa tih pakhat erawh ka neih chu, an zirsan,an hriatzau avang te pawh a niang, harsatna leh manganna an tawk ngai lem lo pawh a niang, Pathian hi a awm reng em tih lam hawi zawhna a awm reng mi thin hi a ni.
Harsatna leh buaina tam tak karah kan sei lian a, Pathian pawh kan au zing na rawh e. Ka ngaihtuah a, harsatna tawk lo ilangin Pathain hi kan au reng ang em ? Zawhna hlun tak a ni. Hla siamtu chuan 'buaina chhumpui lo zing thin hi a tang min belh tir tu an ni.' a lo ti a. Ka nunah hian chuan a dik fu a ni.
Thutak (truth) pakhat a awm a, chu chu Bible Thianghlim chhunga thu awm te hi an ni. Science Thu dik (facts) a awm leh bawk a ni. Heng thu dik pahnih te hi tlem a kan lo zirsan chuan a inkalh ni a ngaihdan mihring zel mai kan lo nei ve reuh thin a. Mihringte nep khawro zia lantir tu lek a ni. Pathian Ropui hian eng thil bawn lutuk tak mai nge a tih theih a, eng tiang tak a ril in nge a in zep theih zia hi kan hriat loh vang mai chauh a ni.
Hla pakhatah chuan:
"Mi fingte leh mi bengvar te chuanin,
An finna a Lalpa an chhut hnuin,
Thutak lakah an peng bo zo ta a."
tih in bul a in tan. A mawi dangdaiin , a ril hi ka tia. Ti hian a thunawnah a chhunzawm leh a,
'Khawvel mifingte chuanin Pathian an hre phak lo.
Thu hril atthlak hmanga chhandam kan ni.'
ti in. Thu hril atthlak a rawn tih lai tak hian ka ngaihtuahna a fan kual ve nasa khawp mai. A hla hi a in ngaitlawm em em mai a. In phah hniam tak si in , mi fingte finna chu a awh lohzia a tarlang chiang hle in ka hria.
A ni reng a, khawvel mihring zawng zawng deuh thaw hian kan rilru khawih em em thin thusawite han sawi ila, kan mihring pui, min inspire em em tu te han sawi theuh dawn ila, mi ropui tak tak te thusawi emaw, film zirtir nei tha tak , thil thleng thei ngei tura ngaih sa (believable) te emaw, Gandhi-a thusawi, Bill Gates-a thusawi , Neoson Mandela, Newton, Revd. Chanchinmawia tih te emaw a ni mai thei e. Chung chu thu awihawm tak , mi ti kher kher te pawhin an pawm ve mai theih an ni tlangpui thin.
Kan Chhandamna thu erawh hi chu, mite nuihzat leh hnawl, khawvel lama thiamna nei sang apiangte'n an nuihzat nasat, a ni tlat. A atthlak em a ni. Chhandam a kan awm phah na thu ril dan hi khawvel taka hriatthiam tumte hriatthiam phak rual ni tlat lo.
Nova hun laia tuilet, Lota nupui chi a chang, Mosia'n tiang hmanga Tuipui Sen a sah chah, sawi tur a tam ang. A chhan leh vang sawi tur awm mang lo tam tak Thuthlung Hlui hunlai a thleng ni a kan Bible in a sawi hi a awm nual a. Thuthlung Thar ah pawh Lal Isua khan eng tin nge Chhang per 5 leh Sangha 2 kha mipui 5000 chuang ei tur a a tih pun theih? Zawhna a siam tama , dilchhut poh leh a awihawm loh fo thin!
Mahse thiante u, Kristianna chuan khawvel hi a luah darh zau mek zel tho si. Thuhril atthlak chuan he khawvel hi a fan chhuak a, mi mawl te te ten Krista chanchintha thu chu an hril a , mi fing leh bengvar te a ti mangang a. Mi inti fingte hriatthiam ve phak loh chhandamna thu ril hian nun hlimna a thlen a, mi thu thiam zawk te thu ziah kur mawi em em te chuan kan lairil fan ve bawk thin mahse la, khawvel kil khawr ber thlenga fan chhuak khawp a awm reng reng lo va, nun ti ralmuang thei khawp a ril leh thilti thei a awm ngai hek lo.
Thuhril atthlak hmanga chhandam ka ni. A va ropui em!
Ava ropui em
ReplyDelete