Zoram Kanaan Hi...

Bilkhawthlir Pu Chawngkhupa kha in hre mai thei a, 'Aw khawngaihtu Pathianin' tih hla phuahtu , mihlim kha. An sawi danin , Pu Chawngkhupa chu Sailam khua a a awm laiin zan laiah Pathianin meichher chhi a,'Zoram Kanaan' ah chuan pem turin a ti a , Bilkhawthlir ah hian a rawn pem ta a ni awm e.
Kan hriatthiam dan tur chuan Bilkhawthlir hi Mizoram hmar lam , Kolasib District , Kolasib leh Vairengte inkar a awm a ni a. Aizawl atanga 100+ KM a awm a ni. Tunah hian in 1000+ a awm a, khaw dung tluan hian in in a tlar thut mai a ni. A khawdung hi 17KM bawr vel zet a thui a ni.
Kuhva khawpui tih theih hial khawp in 'kuhva' na na na chu a tam ngang mai a, Coconut lah a awm nual bawk. A leilung hi thei chi tin reng hian an ngeih mai a ni.
Mi tam takin kan khua an tlawh chak nachhan pakhat chu , Serlui 'B' Hydel Project leh Chemphai leilet zau zet hi a ni fo thin. Tourist Lodge pawh an peihfel tep tawh bawk a ni.
A khaw boruak hi a nuam tawk chauh ti ila a dik ang. Amaherawh chu, khawlum lai chuan khawlum tuar ngai lo tan chuan a lum deuh mai thei tih chauh a ni e. A khaw mipuite hi mi khawsa awlsam thiam tak vek an ni a, 'simple living , high thinking ' tih ang khan finna leh rem hriatna lamah erawh an theuneu lo hle thung si. to be contd....