Ka blog khat ta riau mai a. Hunawl ka nei leh deuh ta bawk a, NIT Warangal ka hmuh dan tlem a zawng han sawi ve mai mai ila. Tunah hian NIT Warangal ah ni 4 (4 days) ka awmna a ni tawh a. The first two days are like... worst days ever! Let me start from the beginning!
Ishan Vikash Programme ah student 10 thlan chhuah zingah ka tel ve a. IIT Guwahati a Research Internship ti tur a kal tur kan nih laiin NIT Warangal ah rem chang zawk vangin min sawn sak a.
June ni 11 khan Aizawl atangin Kolkata ah Air India thlawhna in kan thlawk a. Zan 2 kan riah hnuah Train (rel) in Warangal lam kan pan leh a. Ni 1 leh darkar 5 vel kan tlan hnuah NIT Warangal kan thleng thla leh bawk. Kan chuanna rel a nuam ve ang reng bawk a (rel chuan nuam ti chi hrim hrim kan ni hlawm bawk a), kan kal rei lo viau!
 |
| IB Park, Kolkata ah. Jisha, Joseph & Me |
Kan ticket ah Warangal Rail Station zawk a chhuk tur kan nih laiin Kazipet Station zawk ah kan lo chhuk pek a, kan thianpa an detain phah a. Keini erawh confi em em a kan kal tlang zar zar avangin min man chhuak ve lem lo!
Kan thianpa an detain chu rei lo te kan nghah hnuah cheng 180 vel chawiin an rawn chhuah ve leh mai a. NIT Warangal lam Auto-rickshaw in kan pan ding nghal char char. A lo hla tawh lo. Tichuan, Campus chhung kan han thleng a, a zau ve thawkhat hle tih a hriat nghal theih.
Kan Professor in-charge (Local Coordinator of Ishan Vikash) chuan kan kal dawn tih a lo theihnghilh pek a!! Darkar 2 chuang pawn thosi kar a kan nghah hnuah a rawn thleng ve hram!! Kan lungawi lo hle! Chutah, kan thlenna tur hostel min han kawhhmuh a, an hostel chhe ber a lo ni. Mattress pawh awm lo, bal bawk si, tukverh khar phui theih loh, maimawm ril zam nuai mai ah karah kan thleng chu a ni e. Kan thinrim hle. Let leh nghal mai kan rilruk rum rum mai a ni.
 |
| Kan hostel thlenna hmasa zawk! |
Engkim mai chu a hlui em em vek mai a. Tui in tur a awm lo a, inbualna tur tui erawh min rawn dahsak thei hram.Bathroom a tawng em em bawk a, toilet a bal em em bawk. Engmah ni bik lo mah ila, khatiang teh hrep a inthlentir tum kha chu a rilru nat thlak ve duh tak zet zet a ni. ☺☺
Zan khatna chu thir khum ah kan han mu ve phawt chu a ni a. Taksa a chauh em vangin kan muhil bawrh2 tho chu a ni a. A tuk zing ah erawh taksa a na duh khawp mai.
A tuk ah chuan kan Professor in-charge tur te theuh kan hmu a. Ka Professor chu Dr. S. Ravichandra a ni a, Software Engineering lam leh Cyber Security lam a tui mi a lo ni hlauh mai. Ethical Hacking pawh a hre ve nual turah ngai ila. Ka let leh nghal dawn lo rau rau a nih chuan a tangkai thei ang berin ka hmang ang chu!!
Ka project tur a la chiang lo a. Ama'rawhchu, Web Application Development a nih ngei a rinawm!!
Karkhat awh tur
Introduction to Web Development Seminar ah min tel tir an tum a ni awm a. This is my profession... why the hell should I attend such useless seminars... 😯😒 !!
Nimin 16/07/2017 khan kan ngenna avangin kan hostel room min thlak sak a. Ultra Mega Hostel a.k.a 1.8K Hostel an tih bawk ah min sawn a. A fai a, facility a mumal a, Internet, mattress, table, chair (keimah chiah ☺) a awm a. Kan hlim viau!
 |
| Ultra Mega Hostel (1.8K Hall) , Kan thlenna thar |
But, the same problem comes... FortiGuard firewall.... !! Proxy Server an hmang a , access theih loh a tam hle. Bypass dan tur ringawt he ka thinlung hian a zawng leh tawh!
 |
| Ka hnathawhna hmun |
 |
| Central Library pawh a lian ve hle! |
A khai khawm nan... Ka la awm rei lo a, enge a an zel dawn ka hre lo. Min lo welcome dan erawh a low class hle... Faculty te erawh an fel viau, an thiam bawk. Chaw a tha thawkhat a, kan room thar a tha a, campus a mawi bawk. Nepnawi dawr leh mamawh han lam mai na tur erawh a vang hle; campus pawn ah lei kher a ngai.
I lo thlir zel phawt teh ang!
