C PROGRAMMING ZIR VE RAWH

Computer Programming zir tan tur a kan inchahna leh kan inhmelhriattir na Post lam kha i lo chhiar ve a nih chuan tun a kan sawi tum hi chu i hriatthiam ve nel nual tawh chu ka beisei.

Programming languages hrang hrang a awm a, chung zing a pakhat "High-level language" kan tih zing a mi, C language nen hian han inhmelhriat tir che ka duh a, i khawih tam poh leh i ngaina ang !
Tin, he tutorial/guide hi Windows Operating System tan bik a ka ziah a  ni. Linux emaw Mac emaw tan chuan a dik ve kher lo lai a awm ang tijh min hriatsak lawk dawn nia!!

C History Tawite
C Programming hi 1969 leh 1973 inkar vel a Dennis Ritchie-a'n AT&T Bell Labs a a siam a ni a, UNIX operating system siam nan a hman hmasak ber a ni. Siam a nih atanga tun thleng hian khawvel a Programming language hman nasat ber leh tangkai ber a ni.

A history chung chang ah  chuan buai thui vak lo mai ila, hriat belh duh i neih chuan han Google keuh la, a mak a mak a tam a lo awm thut mai ang!

He article ah hi chuan C Programming la hre lo, hre ve duh, ti chhin ve hrim hrim duh te tan tawi te in ka rawn sawi dawn a ni. Enge kan mamawh tihte, kan hriat tur tul leh kan program hmasa ber code nen ka rawn share dawn a ni.

Eng hmanrua nge kan mamawh?

A hmasa berin Computer awm rawh se. I ta a ni emaw, school a mi a ni emaw, i pate-a te ta a ni emaw, in thenawm te ta a ni emaw, program code i ziahna tur computer chu a awm hmasak ber a ngai! Tunlai ah Android apps C compile theihna a awm tawh a ni mai thei a (ka la check hlawm chiah lo!), a awm a nih pawn compile vek theih loh chin chu a nei dawn!

A dawt leh ah chuan kan code ziahna tur software/application kan mamawh leh ang. Heng programming language ziahna (compile thei nghal bawk) software ho hi IDE (Integrated Development Environment) an ti thin a, IDE ti in kan sawi tawh ang.

IDE tel lo pawh hian Notepad a code ziahin GCC compiler in Command Prompt atangin a run theih tho a, awlsam zawk leh hman nuam zawk a nih avangin IDE hman mai hi a tha zawk rih a ni!

Windows OS hmangtu te tan a IDE hman tam ber chu Dev C++ hi a ni awm e. I download duh chuan i DOWNLOAD thei ang ! I download zawhah install la, installation ah i buai chuan comment ah i sawi mai dawn nia!


A hmanrua ang zawng chuan a dang teh chiam kan mamawh lem lo!

Dev C++ hman dan, a lem nen tlem i lo en thuak thuak ila:

I install zawh chuan Dev C++ ah chuan lut la,
File > New > Source File ah lut rawh.  A nih loh paw'n Ctrl+N ti ringawt paw'n i direct thei.

Chutah chuan code chhutna tur a lo lang ang. A hnuai a mi khu copy la, i paste dawn nia.

Note: I copy dawn chuan select phawt la, Right-click lo in Ctrl+C i hmang dawn nia.

Code #1:

1 2 3 4 5

#include<stdio.h> int main() { printf("Chibai Le, Thiante u!"); }

I paste zawh ah save la, File > Save emaw Ctrl+S a file hming ah engpawh i hmang thei a, a File Extension erawh  .c emaw .cpp a i dah a ngai. 

I save zawh ah Execute > Compile & Run ah lut la, a in compile ang a, a in run nghal bawk ang. Hemi atan hian F11 key pawh kha direct in i hmang thei a ni!

I code a dik chuan a hnuai a mi ang hian a lo lang ang.

Hei hi C Program simple ber a ni. Line 5 chauh kan hmang a, C code then khat chu line maktaduai fe chuang te pawh a awm thin a ni.

Han ti chhin la, C code dang te  han zawn belh la, Copy/Paste kha inthlahrung lo phawt mai la! Ama'rawhchu, line tin khan enge hna a thawh tih hriat tum in i en thin bawk dawn  nia.

I zir belh duh chuan kan sawi tawh ang khan YouTube ah te pawh Free Tutorial tam tak zir sen loh a awm a ni kan tih tawh kha! A lehkhabu ang zawng pawn tam tak a awm a , i lei thei a nih chuan Yashawant Kanetkar ziah "Let Us C" tih te hi han chhiar la, i man chho zel ang a i tui zel mai dawn a ni!

Program dang source code leh a hrilhfiahna  nen ka la rawn let leh dawn nia.

Read More

KA MU THEI LO - PART ONE

NOTE: Zan mut theih loh chang hi ka ngah ve ang reng a, tih tur hranpa em em neih hran loh chuan blog post han ziah hian hunawl kan hnawh khat tha ni in ka hre deuh a, kan ti dawn chhin ang e!
"KA MU THEI LO" tih ho hi ka mobile website Genesis Chamber  ah khan ka ziak tawh thin a, mumal taka ziah ka neih lem loh avang in Blogger lamah hian mumal takin kan ti tan teh ang.

HOW TO WIN FRIENDS AND INFLUENCE PEOPLE

 

Lehkhabu lar tak "HOW TO WIN FRIENDS AND INFLUENCE PEOPLE" , Dale Carnegie ziah hi ka chhiar nial nual tawh a! Ka hriat bel hlarh duh zawng a nih avangin Part One leh Part Two chauh hi ka la chhiar a, vawi thum ve ve chu ka chhiar nawn tawh! A lehkhabu hi a tha bawk a niang, chu mi then hnih chauh atang pawh chuan sawi tur ka ngah phah in ka hlawk phah hle mai!

Dale Carnegie (1888-1955)

Zanin pawh hian Part One zawk behchhan in kan ziak ve ang e. A tha ka tih em avangin la chhiar ve lo ten an hriat atan kan pho lang ve dawn ang e!

HEI LE!

Tu pawh han zawt la, "I tha famkim em?" tiin. A tam zawk chuan kan famkim lohzia kan hre chiang in "Tha famkim bik lo e!" tiin an chhang ang che. Mahse mi in min han sawisel in kan that famkim lohna lai han sawi se, mihring rilru chapona a lo chhuak a, "A ve lutuk a che!" tihna rilru hi a lo lang nghal thuai thin! Mahni tawkah hi chuan tha hi chu kan inti rilru ve theuh a nia!

May 7, 1931 khan New York khawpui-a serial killer sual tawrawt , 'Two Gun' Crowley an tih thin chu a bialnu in a awm laiin Police ten an hualbet vek mai a. Reife an inkah hnuah an man thei hram a ni. He pa aia tualthat nasa , pawisawi lo nunna la nasa hi America ah hian an tam lo hle! Chutiang khawp a sual ni a kan hriat, a nunrawnzia an sawi chamchi thin chuan a lehkhathawn pakhatah chuan,
        "He ka coat hnuaiah hian thinlung lungchhia, nunnem leh zaidam em em, tuma  pawi sawi duh
lo tu chu a awm a ni" , a ti mauh mai!!

Francis 'Two-Gun' Crowley

Misual tawrawt, lar em em Al Capone, gang leader nunrawng zet mai pawh khan ,
"Ka nun tam zawk hi mipuite'n nun nuam zawk leh zangkhai zawk an neih theih nan ka hmang a, ka hmuh let ve chu mi huat leh sawi chhiatna chauh hi maw?"   a ti ve tho a ni.

Al Capone , American Gangster

Crowley, Al Capone leh khawvel misual tak tak , nunrawng kan tih em em te pawh hian  tha intihna an nei ve vek tho chu a nih hi! Chutiang a nih chuan i chhehvel a awm i chhungte, i thenawm te, i thiante, i hnathawhpuite pawh khan tha intihna chu an nei ve ngei ang tiraw?

Abraham Lincoln kha US President a nih lai khan a sipai hotu General Meade chuan an hmelma , belchhunga sa ang chauh tawh, hneh mai theih a awm tawh chu a chhuah palh a ni awm e! President chu a thinrim nasa hle mai. A thinrim lutuk chuan ti hian lehkha a ziak ta a,

---

Executive Mansion,
Washington, July 14, 1863.
Major General Meade

I have just seen your despatch to Gen. Halleck, asking to be relieved of your command, because of a supposed censure of mine. I am very--very--grateful to you for the magnificent success you gave the cause of the country at Gettysburg; and I am sorry now to be the author of the slightest pain to you. But I was in such deep distress myself that I could not restrain some expression of it. I had been oppressed nearly ever since the battles at Gettysburg, by what appeared to be evidences that yourself, and Gen. Couch, and Gen. Smith, were not seeking a collision with the enemy, but were trying to get him across the river without another battle. What these evidences were, if you please, I hope to tell you at some time, when we shall both feel better. The case, summarily stated is this. You fought and beat the enemy at Gettysburg; and, of course, to say the least, his loss was as great as yours. He retreated; and you did not, as it seemed to me, pressingly pursue him; but a flood in the river detained him, till, by slow degrees, you were again upon him. You had at least twenty thousand veteran troops directly with you, and as many more raw ones within supporting distance, all in addition to those who fought with you at Gettysburg; while it was not possible that he had received a single recruit; and yet you stood and let the flood run down, bridges be built, and the enemy move away at his leisure, without attacking him. And Couch and Smith! The latter left Carlisle in time, upon all ordinary calculation, to have aided you in the last battle at Gettysburg; but he did not arrive. At the end of more than ten days, I believe twelve, under constant urging, he reached Hagerstown from Carlisle, which is not an inch over fiftyfive miles, if so much. And Couch's movement was very little different.
Again, my dear general, I do not believe you appreciate the magnitude of the misfortune involved in Lee's escape. He was within your easy grasp, and to have closed upon him would, in connection with our other late successes, have ended the war. As it is, the war will be prolonged indefinitely. If you could not safely attack Lee last monday, how can you possibly do so South of the river, when you can take with you very few more than two thirds of the force you then had in hand? It would be unreasonable to expect, and I do not expect you can now effect much. Your golden opportunity is gone, and I am distressed immeasurably because of it.
I beg you will not consider this a prossecution, or persecution of yourself As you had learned that I was dissatisfied, I have thought it best to kindly tell you why.

---

Kei aiin in let thiam zawk awm e.  A sawi tum tlangpuiah chuan General Meade thil tih dik loh vang leh Robert Edward Lee (American Civil War laia hel hotu) a tlan chhuah vanga   demna lam rawngkai a ni awm e!

General Meade chuan lehkhathawn hi engtin nge a chhan in rin? Engtin nge a rilru a awm ang le? A hlim em em chu a rinawm hauh lo!

Kha lehkha khan General Gordon Meade hnen chu a thleng hauh lo a ni awm e! Lincoln khan a thawn lo hrim hrim a , a thih hnu khan a lehkha pawimawh zingah an hmuchhuak chauh a ni!

"Ka thawn leh lo mai zawk teh ang! Meade-a dinhmun-ah khan ding ta ila engtin nge ka tih bik chuan ang. President chair atang chuan a awlsam a ni mai a, indona hmunah awm ila engtin nge ka tih bik chuan ang . Mi au thawm te, thisen baw nei nuai te hmu ve ta ila engtin nge ka tih bik ang le? He lehkha ka thawn vang hian a dik phah tawh dawn chuang lo, Meade-a ka ti hrehawm mai mai a ni e" , ti te pawh in a ngaihtuah aniang chu. Tichuan, lehkha chu dah tha in , thil tha a thlen dawn lo tih hria in a thawn ta lo zawk a ni awm e!

Mark Twain pawh kha pa thinchhe tak a ni ! Chanchinbu Editor a mil loh deuh thenkhat hnena lehkhathawn, tawngkam mawi lo zet zet a ziak thawn hi a ching hle a ni awm e! Chutia a ziah chuan a rilru tawt chu a zia deuh thin a ni awm e! Mahse , chung a lehkha ziah te chuan Editor te hnen chu a va thleng ngai lo hrim hrim a, a nupui chuan mailbox a tangin a lo la chhuak hman zel a ni!

Bob Hoover, pilot ropui tak pakhat pawh San Diego-a Air Show a neih laiin a thlawhna engine a tawp thut a, vanneih thlak takin a tha takin atum thei hram a. Amah na lo mahse a thlawhna erawh a chhe hle!

Bob Hoover

Airport a thlen chuan chu thlawhna Mechanic chu a zawng chhuak a. Chu Mechanic naupang te mai chuan hlauhthawn hmel tak hian a lo nghak a. A thiltih dik loh lai chu a lang chiang mai si a,  thlawhna a chhe vek a, mi pathum in nunna an chan phah tep bawk! Hoover chu a thinrim hle ang! Mahse Bob Hoover chuan hau ta lo chuan , "Thil thleng tawh a nih kha, naktukah ka F-51 min service sak ang!" a ti ta zawk daih a ni awm e!

In sawisel chiam chiam emaw, inhauh vak vak te hi buaina chinfelna a ni ber lo a, thil kal tawh siam thatna a ni hek lo! Mihring luhlul, khawdur chauhin a siam that theih chu kan awm na meuh mai, thu tha leh zaidam tak a inhrilh fiah hmasak hi a tih chi fo! Thu tha in a dah loh chin chu a awm ve ngei ang, mahse thatna in mi a hneh chuan a dah rei tawh thin. Puitling te pawh hian naupang zawkte kan sawisel dawn emaw, kan hauh dawn hian eng tehfung nge kan hman thin? Kan kum rualpui teh ang a kan teh chuan teh tlin an har hle ang!

Mi kan sawisel hma hian eng dinhmunah nge an din tih hi chhutsak hmasa thin fo teh ang u!!

Read More

BLOGGER TAN FREE DOMAIN (.TK, .ML, .GA, .CF, .GQ) 2016

Blogger  hmang thin i nih chuan kan sawi tum hi enge a awmzia i hre nel nual turah ngai ila!
I blog siam kha URL a nei a, entirnan http://sundayakrypton.blogspot.com tih te a  ni thin. A thui deuh teh duah a ni tiraw?

blogspot.com / blogspot.in (subdomain) tih lai hi .com / .in /.net /.org (domain an ti a) tih in i thlak thei a. Entirnan:
www.sundayakrypton.blogspot.com tih duah ai chuan www.sundayakrypton.com tih mai khan a fel fai in a changkang hmel zawk bawk te i han ti teh ang!

Amarawhchu, heng .com, .in, .net,.org tih ang chi ho hi chu man a lei ngai an ni! Domain provider tam tak a awm a; heng GoDaddy   , BigRock  leh a dang tam tak ah te hian engtik lai pawn a lei theih reng a ni. A rate chung chang ah chuan in a in an loh bakah a man hi a dang (fluctuate)  ve reng a ni.

I blog domain tur a i pawisai seng ui si a nih chuan domain changkang lutuk lo (!) , mahse a thlawn a neih mai theih a awm a, kan lo hrilh ru ve ang che!

A hnuaia step ang hian ti zel la, i hriatthiam loh chuan comment lamah min zawt mai dawn nia.

STEP 1: Freenom  ah hian lut la, in Register rawh le!

STEP 2: Registration process hrang hrang i tih zawhah Register New Domain tih ah khan lut rawh!

     
STEP 3: A hnuaia mi lo lang ang ah khan i free domain duh chu type lut rawh le! Domain hi .ml , .tk, .cf, .gq leh .ga a awm a, khawi emaw ber hi i hmang thei a ni.

STEP 4: I domain duh chu a la awm a nih chuan a hnuai a mi ang khuan , Checkout ah khan i lut dawn nia!

STEP 5: Forward this domain ah kal la, i blog URL kha type la, 12 Months @ Free kha thlang la, Continue rawh.

STEP 6: A step dawt leh ah chuan i Details Fill Up na tur a lo awm ang. Kha kha pangngai takin Fill Up la, and Terms and Condition kha Accept thlap la, i Order i complete dawn nia.

STEP 7: I tih zawh fel hun ah Domains > My Domains ah lut la, i domain order te chu a lo awm ang! I domain siam zawh chiah ah khan Manage Domain ah lut la, a hnuaia Pic ang khuan a lo awm ang. Management Tools >> Nameservers ah khan i lut dawn nia.

STEP 8: Use Default Nameserver select la, Change Nameserver click leh ang!

 STEP 9:  I blogger account ah log in la, Settings ah khan Publishing > Blog address ah khan
"+ Setup a 3rd party URL for your blog " tih kha i hmu ang tah khan click la, i domain siam fel sa kha i type ang a, a hnuai a mi ang khuan a lo lang ang. Arrow mark sen a ka chhinchhiah te khu i chhinchhiah ang.

 STEP 10: Freenom ah khan lut leh la, Manage Freenom DNS ah khan lut la a hnuai a pic ang khuan i fill up dawn nia.

 STEP 11: Save la,Blogger Settings ah let leh ta a dik thlap tawh ang!


A dik lo emaw harsatna i nei a nih chuan comments ah emaw email sundayakent@gmail.com ah min mail mai dawn nia!

P.S: I share chhawng a nih pawn sum hmuh nan emaw hmang lo ang che!!! :D Good Luck!

Read More

COMPUTER PROGRAMMING ZIR ANG U!

Enge  Computer Programming (emaw Programming) kan tih fo hi? Enge code kan tih thin hi? ahn sawifiah kak dawn chuan Computer chhungril (computer architecture) lam kan sawi thui viau a ngai dawn a, ka hun leh ka thiamna ten a daih dawn bik loh avangin kan lut thuk rih lo mai aniang chu!

A awlsam thei ang ber leh mi nawlpui in a kan hriat thiam theih ang zel turin han sawifiah ta ila; a hmasa in enge CODE hi?

Computer in a hriatthiam chhun chu 0 leh 1 chauh hi a ni, chu chu Binary language (machine langauge) an ti. TV ah emaw , khawi lai lai ah emaw a hnuai a mi ang khu i hmu tawh em ?

Binary codes

I hmuh tawh chuan hetiang a 0 leh 1 awm ṭhut ang chi hi Binary number kan tih chu an ni. Binary number chung chang hi nakin ah chipchiar takin kan la sawi leh dawn nia!

Heng number 0 leh 1 awm khawm thup hi number mai mai an ni hauh lo a, computer biak nan a kan tawng neih chhun an ni tlat! Mi thil ti tur e i hrilh dawn chuan i tawng emaw i zai zir kha a hriat thiam a ngai a ni tiraw? Chutiang chuan computer pawh hian thil ti thei viau mahse tih tur kan pek loh chuan a mah hian tih ngaihna a hre lo. Tihtur (instruction) kan pek hnuah chauh a tih tur te tha takin a ti thei thin. Chu tihtur kan hrilh theihna tawng chu he "binary language" hmang chauh hian a ni! A hnuaia kan sawi leh tur hi awm ta lo se han ngaituah teh, computer a hla ngaihthla tur ringawt pawn 0 leh 1 maktaduai chuang chhut hmasak phawt ngai se, a hla play lai pawn 0 leh 1 tho chhut char ngai se!!!!! Ngawi teh, mihring kut chet ran theih zawng hian a pha dawn lo hrim hrim a ni e!

Khawvel changkang zel hian awlsam zawk a thil tih dan tur a zawng zel a! Chu machine language chu mihring hriatthiam awlsam tur leh automatic a tih zung zung theih turin Programming language dang an siam a, chu chu tun a Computer Programming kan tih a kan zir ang hi (high-level language) te hi an lo ni ta a ni.
Mahse kan ti leh teh ang! Machine language leh High-level language inbiak pawh theih nan palai a awm ve leh a , chu chu Assembly language kan tih te hi an ni! A hnuai a lem ah khuan kan chiang mai awm e!

Computer hnena tih tur hrilh dan kawng

A chung a kan hmuh ah khian C, Pascal leh C++ kan hmuh te khi High-level language kan tih, Computer Programming course hrang hranga kan zir thin te zinga mi an ni. Mihring ten kan hriatthiam theih dan zawng a Computer tih tur kan hrilhna tawng an ni. Chutia kan tih tur hrilh chu Compiler/IDE hmangin Assembly language-ah kan let a, Assembly language chu Assembler in Machine language (binary) ah a lo let ve leh a, chu binary language Hardware (Laptop, PC,TV, Phone,etc.,) te hian an lo hrethiam ta a, kan tih tur sawi ang ang chu a nih ang thlap in min tih hlawtlinsak ta thin!

High-level language/Compiled langauges kan tih te hi tam tak a awm a , a then azar lo tarlang ila:

COBOL	Business applications
FORTRAN	Engineering & Scientific Applications
PASCAL	General use and as a teaching tool
C & C++	General Purpose - currently most popular
PROLOG	Artificial Intelligence
JAVA	General Purpose - gaining popularity rapidly
PHP	General Purpose - Web and Desktop
PYTHON	General Purpose
HTML	Webpage

PHP language Example

C Programming language example

Heng bakah hian tam tak a la awm a, kan hriat belh duh chuan kan lo Google ve tawh mai turah ngai ang aw! Facebook hi PHP a siam a ni a (HTML leh CSS neuh neuh a awm dawn tih chu sawi lo mai ila!!!), Google hi Python, C++ leh Java tangkawp a siam a ni a; Youtube hian Python a hmang bawk a, Video Player lar VLC hian C++ leh Objective C te a hmang a; Android Apps te hi a tlangpui in Java hmanga siam an ni bawk! TV leh Tape te, Refrigerator te hian C leh Java an hmang nasa em em bawk!

Heng ang pui pui kan siam thei lo a nih pawn a hnathawh  dan te, enge a awm zia tal hi hrethiam i la, kan Technology khawvel thlir dan hi a danglam ngei a rinawm! Heng thil zir tur hian thil tam angai miah lo a, i hma a Computer a awm a, a zirna tur source Internet emaw lehkhabu emaw a awm chuan i zir thei vek a ni tih hria ang che! Internet ah Ebook a thlawn tam tak a awm a, YouTube an Video Tutorial en sen loh, thiam sen loh a awm bawk! Heng te hi i zir peih chuan  a mak a mak a tam a awm a ni!

Tikhan kan hriatthiam ve ruai ruai tan chu i han beisei ila! Kan sawi fo thin a, Computer Age a ni tawh tih hi!  Hun a kal zel ang a, khawvel changkang zel hian hna tha thawk thei tur chuan heng High-level language te hi a la phut lo ang tih a sawi theih loh! Tunlaiah pawh hna kan zawng a, Computer hman dan tlangpui kan hriat loh chuan iai-awm kan ni nghal zel ta mai! Heng hna kan zawn a Computer thiam tur a min duh ang level tam zawk hi chu Programming kan tih nen chuan a la inhlat viau awm e. Computer basic tak tak chauh hre tur in min beisei tlangpui thin. Heng pawh kan tih theih loh chuan khawvel kal rual a kan pen thiam ve theih loh hun hi a la thleng thei mai awm e!

Ama'rawhchu, in demna ngawt chi erawh a ni chuang hauh lo! Lirthei pawh khalh thiam tur chuan a lirthei a kha a awm hmasak phawt a ngai! Computer a awm miau loh chuan computer a thiam tak tak theih loh a, khawih tam ngai tak thil ve tho a ni! Computer thiam hi a la pawimawh dawn chauh tih hria ila, Programming language harsa pui pui kan thiam lo a nih paw'n a basic tal hi chu i han zir tlang teh ang u!

He universe thuruk hi i haichhuak duh a ni emaw, kum zabi 21-na a hlawhtlinna neih i duh chuan basic computer programming thiam hi tih makmawh a ni!
                                                                                - Stephen Hawking
                                                                                  Theoretical Physicist, Cosmologist

Read More