Mi lungleng tak ni thin kha, nitin khawsak ngaihtuahna vangin ka lung a leng hman ta meuh lo.
Khawi college emaw yearbook hlui a, ka hriat ngailoh tu emaw article ziah, ngaihawm ti em em a ka chhiar thin te, khawilai hmun kilkhawr a lehkhabu hlui tak tak, kawm pawh nei tawh mumal lo, lehkhabu hriat hlawh pawh ni lem lo ngaihnawm ti em em a ka chhiar thin lai hun te kha a liam ta; mobile phone hian hunawl a luah hneh ta e.
Damchhung khawsak ngaihtuahna avang hian zing dar 9 atanga zan dar 11 thleng buai nitin mai thin ka ni a; mi thenkhat chuan 'life a nei lo' te pawh min ti ngei in ka ring. A tha lo ka tihna aiin a tul ka tihna a lian zawk rih si a le!
Zirtawp zan erawh engthawl zawka hun ka hman ve theih hun a ni fo thin. Tin, ka lehkha zir ve lai atang tawh khan zirtawp zan hian ka lung a leng bik tlat thin. Zanin pawh hei, zirtawp zan ah ka lungleng ka puak chhuak a nih ber hi!
A mimal a zuk ngaih bik riau erawh ka nei lem lo, a leng a ni tawp mai! Khawtlang lunglen an ti em ni?
Tun hmaa ka hla ngaihthlak thin te ngaihthlak a, thlalak hlui en te hian lunglen chu a hnem (ti nuam) ber mai in ka hria!
Chu te mai chu!